Aap Sabhi ko “Bhaiyyaji” ka saadar Pranaam,
Doston Mausam Chunaavi hai, aur is Laher mein samaaj bhi Chunaavi Rang me Rang gaya hai. Kal tak Pinky ko Bharat ke Rashtrapati ka naam nahi pata thha, Aaj wo “Vote for Change, Vote for Kejriwal” jaise naare laga rahi hai, Aur lagaaye bhi kyun naa “Muffler Baba” ne sab kuch free kar dene ka waada jo kiya thha, Ab ye to aap jaante hi hain Ki Bhartiya Naagrik Muft Cheez paane ke liye Laden tak ko Vote de sakta hai to Kejriwal kya cheez hai.
Khair Mudde pe aata hun, Chunaavi Bukhaar Yuvaaon me kuch is tarah faila hai ki ishq bhi sharton pe hone laga hai, Girlfriend Ya Boyfriend banaane ki Prakriya Baahar se jitni saadhaaran dikhti hai andar se utni hi lacheeli hai, Youth ke liye special Plan tayyar kiya hai jo Kramashah likhta hun
Chunaavi Pyar : Prakriya
1. Namaankan : Neta Janta ko ye bataane ke liye ki Mai bhi Chunaav me Khada ho raha hun namaankan karwaate hain, Modern Ishq mein Naamaankan 2 tareeke se hota hai
a. Facebook Par relationship status single kar ke
b. Do chaar Emotional Status daale ke ya Nas kaatne waali Pic ko Cover Set kar ke
Is prakaar aap naamankit ho jaate hai, aur duniya ko pata chal jaata hai ki aap Single hain
Aur Haan “Declaring Your Assets” Naa bhule, Jo cheez aapke paas hai wo dikhni chaahiye, Car, Bangla, Kapda, yaha tak ki Naya Brush bhi liya to use Facebook aur Instagram pe share kariye
2. Campaigning (Prachaar-Prasaar) : Jan samarthhan ke liye neta tamaam hatkande apnaate hai, kuch aisa hi ishq me bhi hota hai, Kuch naayab tareeke nimnlikhit hain:
a. Ladki ki Saheli Ya Ladke ka Dost sidhi hote hai un tak pahuchne ke liye, Muhabbat ke Duniya ke “Baahubali” kahe jaa sakte hain ye inka samarthan milte hi jeet pakki samajhiye
b. Paisa, Gift paani ki tarah bahaaiye lekin haan Aapke Crush ka dhyaan agar kisi doosri taraf chala gaya to aisi condition ko “Aachaar Sanhita” Bolte hain, Ab aapke dwaara kiye gaye kharch par aapko Chunaav Aayog (Aapka Dil) ko hisaab dena pad sakta hai
3. Manifesto: Pyaar Saccha ho ya Jhoota Bina waado ke safal nahi maana jaa sakta, Lambe lambe waade karne hi padte hain. Ek min kahi aap “Mai tumse be-Inteha Muhabbat Krta hun” “Tum Meri jaan se Bhi badhkar ho” “Tumhaare liye Chaand taare la sakta hun” jaise waade karne ki to nahi soch rahe?? Chutiya Ghoshite ho jaaenge minute se pahle.
Manifesto ko modern banaaiye “Branded watches and clothes, Mobile phone aur Recharge, Clubbing aur Nightout jaise lubhaavne waadein karein
4. Voting Day: Aam taur par Baahubali ka samarthan milte hi aapki jeet pakki ho jaati hai, Lekin Vipaksh ki chaal par nazar rakhiye, keval aap hi line pe nahi hai, bahut se log facebook, whatsapp ke maadhyam se aapke crush se baatein karte hai to aap Phone par poora samay dein. Aam Taur par Ishq ki duniya me Voting Day ka Matlab Valentine day hota hai.
Pyaar ki hawa mein aap bhi apna teer chala dijiye, Maar dijiye propose bina kisi jhijhak ke, jeet usi ke hoti hai jise apni Naakaami ka dar nahi hota
5. Judgement Day: Agar proposal accept ho gaya badhaai ho, aapki sarkar Bahumat me aa gayi hai, lekin agar usne soch kar bataane ko kaha hai to khatre ki ghanti baj chuki hai. Ab chalta hai samarthan lene ka daur, ek min “Coalition Pyaar” ki baat nahi kar raha mai, Agar Vipaksh haawi hai to use Maar-Pit ke baithha dijiye, lekin agar confusion andar se hai to Phir regional parties (Friends and Peers) Ko mantri Pad (Saheli Ya Dost Phaswa dene ka waada) ka laalach dijiye. Sarkar banaane ke liye thhode to paapad beliye.
Ab Dekhiye Bhrastachaar to rahta hi hai, Sarkar Ban bhi gayi to aap dusri jagah muh maarna to band karenge nahi, Nateeja aane waale kuch saalon me sarkar gir jaaegi. To kya?? Duniya wahi thhode ruk jaati hai, Kal koi aur aaega samarthan ke saath sarkar banaane. Lekin Janta ka kya?? Janta to Lut gayi na??
Agli sarkaar phir aaegi vaadon ke saath, Puraani sarkar ko kosegi, chor bataaegi, lekin Mansha dono ki ek hi hai “Loot” To Arz kiya hai Ghalib ka ek sher
“Mohabbat me buri neeyat se kuch socha nahi jata , Kaha jata hai usko bewafa samjha nahi jata”
Dekhiye Jajbaaton ke is khel mein haarta hamesha dil hi hai, Ye khel jitna mazedaar hai utna hi khatarnaak bhi, to jara sambhal ke kheliyega. Is baar sarkar nahi bana paaye to aane waale 5 saal CBI ka torcher jheliya. Khair Chaliye Abhi ke liye izaazat dijiye, Milta hun jaldi hi.
EK min…Yaar Bade besharm Log ho? Kam se kam Comment to dete jaao yaar 😛 Thanks
Aapka Dushman:
Bhaiyyaji
bhaiyyajispeaks 